الرئيسية
أحدث الصور
المزاج
من طرف نصيحة..... محدش يزور مصر!!
أيوة بجد دي نصيحة خدوها من واحدة مصرية وعارفة مصر كويس وعارفة اللي فيها.....
ولو لازم يعني وحتما ولابد يبقي لازم تعمل حسابك....
(1)
يعني مبدئيا لازم تاخد معاك المية بتاعتك
(او تبقي تشتري مية معدنية)
وإوعي تشرب من مية الحنفية
"اللي هي جاية من النيل"
لأن دة هيخليك رايح جاي علي مصر علي الاقل كل كام شهر
أيوة انت متعرفش ان اللي بيشرب من مية النيل بيرجع تاني؟!
وشوف دة بقي هيكلفك أد إيه
من مصاريف تذاكر
ومصاريف سفر
غير انك سايب مصالحك وشغلك
وجاي تشرب بق مية
وغيره من المصاريف الخ الخ...
(2)
تاني حاجة لازم تعملها لو نزلت مصر -لا قدر الله- انك متكلمش اي حد مصري خااااااالص
مهما كانت الظروف
ولو واحد مصري ندهلك اعمل انك مش سامعه
اصل انا عارفة المصريين بيعاملوا الناس وخصوصا العرب بطريقة تخلي اي حد يحبهم
ولو -لا قدر الله- حبيت الشعب المصري معدل نزولك لمصر
هيزيـــــــــــــــــــــــــــــــــــد
وطبعا يا حلو المصاريف
هتزيـــــــــــــــــــــــــــــــــــد
(3)
تالت حاجة لازم تاخد بالك منها أوووووووي
إوعي تبص للسما وللا للبحر وللا النيل
انا بحذرك اهه
وخصوصا النيـــــــــــــــــــــل
(4)
اوعي اوعي اوعي
"شوف انا قلت اوعي كام مرة"
اوعي تسمع ام كلثوم وانت باصص للقمر
دي لوحدها كارثة!!!!!!!!
يا جماعة الموضوع خطيـــــــر ومش سهل
والحاجات اللي تاخد بالك منها كتييييييير اووووووي
ولو اتكلمت من هنا للصبح مش هنخلص........
طيب بلاش كل اللي فاتوا
انت مسمعتش شيرين وهي بتقول:
ماشربتش من نيلها؟!
...جربت تغنيلها؟!!
جربت في عز ماتحزن
تمشي ف شوارعها وتشكيلها....
إيه دة بقي؟!
هنبقي مجانين علي آخر الزمن وللا ايه يعني؟!
هتمشي في الشارع بتكلم نفسك؟
وعلي فكرة دي حقيقة مش كلام أغاني
ولو مش مصدقني روح
هتلاقي نص الشعب المصري ماشي بيكلم نفسه
"مجانيــــــــــــن"
ولو سألته فيه ايه؟
هيقولك دة حوار بيني وبين مصر
ماتدخلش نفسك فيـــــــــــه!!!!
وهتجيب لنفسك الكلام
وتلاقيه بيكلمك علي اساس ان انت اللي مجنون!
المهم انا كدة عملت اللي عليا
وبلغتكم بانك لو زرت مصر هيبقي ادمان
وساعتها مش هتلاقي اللي يلحقك!!!!!
واللي لسة دماغه ناشفة هو حر ذنبه علي جنبه
"اللهم بلغت اللهم فاشهد"
عشان متقولوش غشناكم
اديني قلت علي الاعراض اللي بتحصل بعد زيارة مصر
!!!!!!!!!!!!!!
اشكركم كثيـــــــــــــــــــــرا ومعلش طولت عليكم
!!!!!!!!!!!!!!!!!
